دخلت الفنانة المصرية شيرين عادل على خط الخلاف بين زوجها المغني رامي صبري وزميله ويجز، عقب هجوم الأخير على الأول.

ونشرت عادل في حسابها على تطبيق "إنستغرام" فيديو رصد حديث صبري عن لون الراب الغنائي، والذي يقدمه ويجز، معلقةً بقولها: "من هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني".

وأضافت: "أولاً رامي اتسأل سؤال في برنامج ورد وعنده كل الصلاحية لأي رد أو إجابة على أي سؤال يعني مفيش أي مانع يخلي رامي لما يتسأل سؤال ميجاوبش، وثانياً رامي صبري ده يا حضرات فنان من أهم الفنانين في الوطن العربي ومن أهم الأصوات، ده لو حضرتك مش معانا في مجال المزيكا، وبعدين والله يا ريت رامي عنده الوقت بتاع حضرتك الفاضي أوي بتاع 5 شهور فاضي يا ريت كنا نتمنى".

وتابعت: "أما بقى موضوع رامي رقم كام ده هو الحقيقة مش شاغل بال رامي أوي بس لو حضرتك شايف إن رامي رقم 19 مع الأسف الشديد لازم أقول لحضرتك تبقى أنت مش موجود على الخريطة من الأساس، أغنية واحدة من رامي صبري واحدة بس تعمل تاريخ لناس، محتاج تذاكر كويس وتعرف أنت بتتكلم عن مين، قبل ما تتكلم لأنك واضح إنك عندك شغل تاني غير المزيكا لأنك لو داخل الشغلانة كنت مش هتقول ولا كلمة من الكلام ده علشان الناس متضحكش عليك لأنك اتكلمت عن فنان بجد مش جاي يهزر".

وأنهت هجومها: "أخيراً لما تحب تعمل دعاية لأغنيتك الجديدة ابعد عن اسم رامي صبري أنا عارفة إن اسمه ممكن يخلي الأغنية ترند بس حاول الأغنية بتاعتك الجديدة تعتمد فيها على نفسك".

View this post on Instagram

A post shared by Shery Adel (@sheryadel77)

وكان ويجز هاجم صبري بعد تصريحاته في برنامج "حبر سري": "أنا سأتكلم عن فنان فاكر إن عنده صلاحية يطلع يتكلم في أي وقت على أي حد، والناس تسمع وتسكت، الفنان ده رامي كل ما يقعد كده أربع خمس شهور يزهق يطلع يتكلم في التلفزيون على بتوع الراب، أنت بتتكلم إمتى على بتوع البوب اللي أنت منهم؟".

وأردف قائلاً: "لو لقيت حد بيعرف يسوق عجلة وأنا ما بعرفش، بحترمه لأنه اشتغل على نفسه في حاجة أنا ما اشتغلتش عليها".

وتوجّه إلى صبري بالحديث: "أنت شايف إن الفنانين دول بيحاولوا يوصلوا لمستوى أنت فيه، في حين إنهم معديينك، مش رقم 2 يا رامي، أنت رقم 19 بعيد أوي".

وختم كلامه بالإعلان عن موعد إصدار أغنيته الجديدة يوم الأربعاء المقبل بشيء من السخرية من صبري: "استنوا الأغنية الجديدة، ورامي ممكن يشرح لنا الأغنية دي بعد ما تنزل لو فهمها".