عادات لبنانية مستمرة لليوم

بيتميز لبنان بتنوع الحضارة وتعدد الثقافة، هو بلد تاريخه طويل وعريق وعادته وتقاليده كتيرة، وبالرغم من التطور والتقدم يلي عم تشهده البلد، بعده لهاللحظة متمسك بعاداته وتقاليده وحنعرض عليكن بعض الاشيا يلي بعدنا لهلق منعملها

المفتقة

تحلاية بيروتية للأعياد والمناسبات، وكانت بتنعمل يوم الرابع من شهر نيسان المعروف باربعا أيوب، وكانوا أهل بيروت من مختلف المناطق يحملوا الأغراض ( امتعة ) على الطنابر و يتوجهوا على شاطئ الرملة البيضاء للاحتفال بالمناسبة المرتبطة بالنبي ايوب وصبره على المرض. والمفتقة كانت على رأس الماكولات المحضرة وهي عبارة عن مزيج من  لرز،الطحينة،الكركم، جوز وصنوبر!  ومن بيروت امتدت وصارت بكل بيت ومنطقة بلبنان

الدبكة

هي من أهم وأشهر الفنون الشعبية في بلداتنا وقرانا، كونها مصدر مهم للترويح عن النفس والفرح، والدبكة كانت  الفرصة المناسبة لتلاقي المحبين والعشاق،  و بيشتركوا فيها الرجال والنساء , وبيطلقوا عليها اسم «فرخة وديك» ..بدأت الدّبكة اللّبنانيّة تاخذ كياناً واضاً، ومكانةً بالعالم من عام 1957، بعد أن أُقيم أوّل مهرجان للدّبكة الشعبيّة في البقاع اللّبناني، في مدينة بعلبكْ. ومن أشهر أنواع الدّبكات اللّبنانيّة الدلعونا، والشّمالية، والهوّارة، والروزانا، والميجانا، وتختلف طرق تأديتها حسب الأغنية أو اللّحن.

الشروال والطربوش

انعرف الشروال والطربوش الاحمر بين أكبر العائلات اللبنانية والحكام،ومن المتعارف عليه إنو اي مسؤول ما بيرتدي الشروال اوالطربوش بكون دليل على عدم المسؤولية والجدية باتخاد القرارات كما كانوا بعض المقاهي بتمنع دخول  أاي شخض مش لابسهن.

المونة

تحضير المونة  هو شي اساسي اشتهروا فيه القرى اللبنانية، و ببلش تحضير المونة بشهر ايلول تحضيرا للشتاء، ومن اهم المونة اللبنانية  القمح البرغل والكشك ومن بعدا بتجي مونة اللحمة بيشتروا فيها الخروف وبتم اطعامه لمدة ثلاث اشهر ليكبر ويصير جاهز للدبح وبعدا بتم دعوة الاهالي والمقربين بصورة احتفالية.

القهوة

ببلش نهار كل لبناني بفنجان قهوة على الأخبار الصباحية او على أغاني فيروز، وأكيد شي أساسس لتعديل المزاج، بتنشرب القهوة ب 3 طرق، حلوة،وسط ،مرة، والبعض بحبا مع الرغوة (القشوة) اعتقاداً أنها بتجيب الحظ، الفقاقيع الصغيرة هي مؤشر جيد وبتدل كمان على خبر حلو ممكن يصير خلال اليوم.

الزجل

هو فن من فنون الأدب الشعبي وهو شكل تقليدي من اشكال الشعر العربي بلكنة عامية محكية، وأحياناً يكون ارتجالي وعادة بكون بشكل مناظرة بين عدد من الزجالين مصحوب بإيقاع لحني بمساعدة بعض الالات الموسيقية.

رش الرز (الأرز)

رمي الرز عالعرسان هي عادة قديمة بلشت بفكرة لتحميهن من العين والحسد و بعدين صارت الفكرة ترمز للتعايش بين الزوجين من خلال رش الرز.

جرن الكبة

هو جرن من حجر بيعمل فيه الكبة والمتعارف بلبنان انو دق الجرن بكون من نصيب النساء يلي بتقطع اللحمة، بتنحط بجوف الجرن وبتندق اللحمة بأداة خشبية حتى تتحول اللحمة الى كتلة رخوة متجانسة طرية.