يوتيوب
انستغرام
نبض
ثريدز
ممنوعات البنات في البلاد العربية... "أوعى يا بنت... ما بيسوى"
شارك على
مسنجر
واتساب
بريد إلكتروني
الطباعة
شارك على
أوعى تعملي هيك إنتِ بنت، ما بيسوى
أوعى تضهري مأخَّرة بالليل، ما بيسوى
أوعى تحكي مع كتير رجال، ما بيسوى
أوعى تكوني قوية وجريئة، ما بيسوى
أوعى تحبّي حدا من نفس جنسك ولَو ميولك الخُلُقيّة البيولوجية بتجبرك، ما بيسوى
أوعى إزا إضَّطريتي تدّشّي قدام الناس، اختنقي أحسنلك، ما بيسوى
أوعى تصَفّري بتمّك متل الشباب، ما بيسوى
أوعى تقصّي شعرك كتير قصير، ما بيسوى
أوعى تسبّي ولَو الوضع ما بقا ينحمل، ما بيسوى
أوعى تِكِسري العادات والتقاليد النَمَطيّة السخيفة الكاذبة، ما بيسوى
أوعى تعلِّي صوتك وتنبسطي وتجنّي، ما بيسوى...
صفات الأوعى وما بيسوى!! هيِّي للكذب، الغَدِر، القتل، الخيانة، النميمة، الغيرة وإلخ إلخ...
ترِكوا الناس يعيشوا مبسوطين، إنت شو خصّك، كل إنسان حُرّْ طالما ما عم يئذي غيرو ومحترِم حالو!
بِ دُول العالم ما حدا بالو بحدا، انعِدوا منُّن بشي بينفع، كل واحد يفرّح نفسو ويهتّم بشؤونو الخاصة بيريِّح وبيرتاح وبتكون الدني بألف خير...
العلامات الدالة
الأكثر قراءة
