حتى اليوم لم تنتهِ أزمة جوزات السفر، ومنظر الطوابير على مراكز الأمن العام أمر لم يشهده لبنان من قبل، وعلى إثر تلك الأزمة أطلق اللبنانيون "هاشتاغ" على مواقع التواصل الاجتماعي “بدي باسبوري"، فيما تزداد الصرخة يوماً بعد يوم.
فهذا التأخير غير المنطقي أثر سلباً على المقبلين على السفر بداعي العمل أو العلاج. وهذه أبرز ردود الأفعال:
#بدي_باسبوري
— jana (@janasleiman) July 4, 2022
مش هاشتاق طق حنك هيدا موضوع خطير
هيدا متله متل الخبز. باسبور بتقطعه عن شعبك يعني قصفت عمره وقطعت برزقه وخربت بيتهم وقضيت على كل مستقبلهم.#مديرية_الأمن_العام عليها إيجاد حل لأنه فعلاً موضوع خطير ويهدد الجزء الأكبر من الإغتراب وحتى المقيمين
#بدي_باسبوري
— Hiba Zinati (@hibazinati) July 2, 2022
غريب كيف عالموضوع ما اخد ضجة علما هيدا حق من حقوقك،كتار من الطلاب عندن سفر او فرص عمل او حتى انت حر تسافر ما حدا الو معك، بس ليه ما بدو يكون موضوع اساسي ينحكى فيه كيف فارضين علينا واقع مرير مع اقامة جبرية.
بتقلي ما في مصاري؟ بكرا منشوف بالصيفية المصاري على أي عرس
وسائل الإعلام المحلية لهلأ ما حركت ساكن بخصوص الباسبورات ولا كأنه في شعب كامل متاخد رهينة.
— ahmad elrez (@tahoo2022) July 3, 2022
خايفين يفتحوا تمهم بكلمة و يخسروا سكوبات سالم زهران.#بدي_باسبوري
في قرار خارجي وداخلي بضبط الهجرة ، عشان هيك في عذاب للحصول على باسبور والمعنى الاصح نحنا بإقامة جبرية لاشعار اخر #بدي_باسبوري
— 𝑭𝒂𝒘𝒂𝒛.𝑻 😎 (@fawaztk66) July 4, 2022
ما حدا إلو معي ليش #بدي_باسبوري... أنا هلّق لا عندي شغل برّات لبنان ولا بدي سافر زور حدا ولا أي شي ملحّ.. ولا شي.. بس #بدي_باسبوري لأن هيدا حقّي مش هبة من الدولة إلنا، هيدا حقّي مش منّة من حدا! حقّي تنضربوا تشتغلو شغلكن كموظّفين قطاع عام بخدمة المواطن.. هلقد حجمها!
— Hani Hassan (@hanihassan26) July 2, 2022
