السبت - 26 أيلول 2020
بيروت 26 °

يوسف الخال حلق شعره... اين الغرابة؟

صيحات
يوسف الخال حلق شعره... اين الغرابة؟
يوسف الخال حلق شعره... اين الغرابة؟
A+ A-

مع كل الازمات والصراعات اليوميّة العم نعيشها،وكل الأمور الاساسية اللي بتشغل بالنا،كيف بدنا نعيش يومك يومك، ونأمن احتياجاتنا الاساسية اللي بدها ساعات طويلة من العمل،بيطلعلنا خبر بقمّة التفاهة ليصير تراندينغ بساعة.

مين منا ما قصّ شعرو عالصفر،عمتي سلوى وعملتها بزماناتها. الناس عم تجوع ،عم تمرض،عم تموت، متل كأنو هالامور صارت اخبار عادية ما الها قيمة ورهبة ،والاصعب من هيك بنزلوا الخبر السخيف وبملحّو وببهّرو على انو مصدر للقوّة والشهامة...

بيبقى السؤال هل هيّ حشرية الناس اليوم بتزيد من اهميّة الخبر،ام انّو سخافة الخبر بتخليه يصير متداول على لسان الجميع. مشاهدة بالملايين لرأس يوسف الخال، وياما رؤوس اطفال بصيبها المرض وبهرّ شعرها ولا مين شاف ولا مين دري.

اللوم اكيد مش من يوسف الخال ولا حتى غيرة،بس مجرد خوف من سطحية الاخبار اللي صارت عم يهتمّ فيها المجتمع. معقول تكون الناس عم تلاقي مهرب لحزنها بهالاخبار لتتسلى وترفّه،او انو عنجد الناس ما عاد الها قيمة للمواضيع الحياتية الصعبة ؟!

وخلينا نشوف كيف كانت تعليقات الناس على فيديو يوسف الخال:


الكلمات الدالة