اشترِك في نشرتنا الإخبارية
شقيقة ميشيل حجل تُبكي الحروف: "صرتي عروس وعريسك فوق ناطرك"
مهما كُتبت كلمات رثاء أو عبارات حزينة على رحيل ميشيل حجل، تبقى كلمة الأخت تحمل وقعاً موجعاً على فراق الأخت والصديقة الصادقة في السرّاء والضرّاء. شقيقة الراحلة حجل، بولا، ودّعت منذ قليل شقيقتها بكلمات أدمعت حروفها، فتوجّهت إليها قائلة: "بكرا عرسك، انكتبلك عمر جديد عمر طاهر متلك. بكرا وبعدو رح افقدلك وقت روح عند ماما مش رح لاقيكي ناطرتيني. مهما كبرتي رح تضلي بعيوني طفلة اللي بتركض لعندي بس تحس بالوحدة، وقت تفرح ووقت تزعل".
وتابعت: "ومين غيري رح يحمل همك بهالعمر، ما انا سندك وانت قلبي وروحي. انت عيني اللي بقشع فيا. عهد عليّ ابقى سندك وسند اختك وامك وبيك يا كل حياتي"، مضيفة في كلمات وداعها: "اختي حبيبتي، ضحكنا كتير وبكينا كتير وتعذبنا اكتر من كتير. ياما حكينا اسرار لبعض يا ما سهرنا وتحكيلي احلامك الزغيرة. كبرتي يا زغيري صرتي عروس والأبيض شو لابقلك وعريسك فوق ناطرك تا يكمل فرحتك. يسوع، انتبه عليا لأنها الروح".
