شربل روحانا: إلغاء المسافات كلياً احتلال!

يطلّ الفنان #شربل_روحانا في السابعة والنصف من مساء السبت ( السابع عشر من تشرين الأول) من مسرح "قصر الأونيسكو" ليقدّم أمسية فيها مقطوعات موسيقية وأخرى مغناة تلخّص أبرز ما قدمه روحانا من أعمال.

الحفل أطلقه "نادي أصدقاء صوت الشعب"، وسيكون ترجمة للأفكار التي يؤمن بها روحانا الذي يعلل تسمية "مسافات" عبر صفحته الخاصة بالقول: " ما في موسيقى إذا ما في مسافة بين النوتات، ما في جملة إذا ما في مسافة بين الكلمات، ما في تواصل إذا ما في مسافة بين الناس!بس...الطائفية، العصبيّة، الخوف من الآخر، البغض، الغضب، الغيرة، الحسد كلمات بشعة بتئذي، بتكربج، بتلغي التواصل وبتخلق مسافات بعيدة بين الناس لا فيها شمس ولا قمر وبتخلّي الإنسان وحيد ولو مفكّر العكس! متل شي نوتة موسيقية أو كلمة وحيدة، يتيمة ما عم تقدر تشكّل جملة مفيدة! أشرس أنواع المسافات وأخطرها موجودة بين الإنسان وحالو إذا ما انتبه عا حالو من هالكلمات اللي فوق!" ليختم بالقول: "إلغاء المسافات كليّا إسمو إحتلال ، الأفضل المحافظة على المسافة الواعية الليّ ما فيها تكون إلاّ محبة واحترام، تواصل وإبداع، حريّة وحياة."