.... سراج النور.....

...مِن عنّايا سْراج النّور..
شَعشَع عَ الدّني وغَنّی
وِبْقَلبي فَرَح وِسْرورْ
شربِل هَونْ بمَوطَنّا
يا زاير ل بَدَّك إيمان
وبَرْكِة صْغيرِة مِن عِنّا
مِن تْرابْ وعِطْر وبَخّورْ
مِن أرضْ الحُب تْمَنّى....
عَ العالَم تفَرَّقنا بْحور
ومَوجْ القَداسِة غْمَرنا
وصَلّينا بِكِلّ المَعمور
وِبأرز الرَبّ تكَلَّلنا
ولَولا الدِني علَينا تْجور
بقُوِّة الله ما ركَعنا
بإيمانَك يا شَربِل فورْ
وِبْعيدَك ضَلّ جمَعْنا....
بْمَسبِحتَك إيمانْ مَحفور
أيقونِة إلنا ومَرجَعنا
تجَمَّعنا وعَ أرضَك نور
صَلّي تراتيلَك مَعنا
والشِفا بقُربَك مَغمور
بِمَسحِة زَيت بتِشفَعنا
يا شَربِل صَلّي مَعنا......