دينا الشربيني: "عمرو دياب بابا في كل شيء ومعقّد الرجّالة"

مازحت الفنانة دينا الشربيني، المذيعة إنجي علي، خلال برنامج "أسرار النجوم"، على شبكة "نجوم أف إم"، وذلك بعد سؤالها "هو عمرو دياب أضاف ليكِ إيه. عمرو دياب عمل عقده للرجالة دلوقتي"، فردت مازحة: "ده يعمل عقدة لأي حد".

وقالت الشربيني: "مش عشان الشكل وبس، ولا عشان أنا بشكر في عمرو دياب، بس كل الناس اللي مش قريبة منه متعرفش إنه بني آدم لازم يتحب، ده طيب وجدع وراجل وحنين، وباخد رأيه. هو بابا في كل شيء".

وأضافت: "عمرو دياب غيرني خالص، هو شخص محب للحياة، وحلو أوي لما واحدة تلاقي حد واقف جنبها مُحب للحياة، أنا بحب كل أغاني عمرو دياب سواء القديمة أو الجديدة، مفيش أغنية ليه مش بتفكرني بحاجة، سواء حاجة حصلت أو بتحصل أو هتحصل".

يذكر أن دينا ودياب لم يعلنا شكل العلاقة التي تربطهما، على رغم تأكيد كثيرين أنهما متزوجان عرفياً.