رانيا يوسف مستاءة: مافيش أمل

أعربت الفنانة رانيا يوسف، عن استيائها من الحالة التي وصل إليها الإنتاج الفني أخيراً، قائلةً: "مش فاهمة إيه اللي بيحصل في الإنتاج الفني ومش شايفة أمل في اللي جاي، اللي عاوزة أقوله إن كان فيه غلطات قبل كده بس ما ينفعش نصلحها على حساب الناس المظلومة مش اللي كانوا بياخدوا حقهم، زي الأرقام غير المنطقية اللي كانت بتدفع في أعمال ما بتنجحش".

وعن دورها في مسلسل "كأنه امبارح"، قالت "رانيا"، خلال حوارها مع جيهان عبد الله، مقدمة برنامج "رسايل"، عبر إذاعة "نجوم إف إم": "المسلسل ده بحبه أوي من أول ما قريته، فكرة الأمومة والعيال وإن الأم قلبها بيتخلع على أولادها طول الوقت وإنها عايشة على الأمل، ده شيء مشجع"، كما وصفت مسلسل "الدولي" بأنه "كان قرفته ووشه حلو عليا".