العلم والوطن

23 تشرين الثاني 2018 | 10:55

صورة من أحد الصفوف (تعبيرية).

نحنا ولاد المدرسة وظروفنا منها أخدنا علم صفّ حروفنا

من أهلنا كلّ التّعب كرمالنا ت نزيد ع أهل الثّقافة ألوفنا

ت نشيل كلمة تفرقة من بالنا ونزرع بدالا حبّ درس صفوفنا

بالتّربية فينا نحارب ونيّالنا بقلم المربّي عم نخطّ كشوفنا

من العلم في عنّا هدف ع قبالنا نحمي الوطن بأجسادنا بسيوفنا

والجهل فينا نقلّعوا من عيالنا بصون الإرادة والوفا بكفوفنا

وبدنا نغنّي التّربية بموّالنا وكلّ الدّني بصف راقي تشوفنا

ونحمي عَلَمنا وأرز استقلالنا بصفحة وقلم بقصورنا بكهوفنا

وعا كلّ أهل الأرض نقشع حالنا وفعل الكرم نقطة ببحر مصروفنا

وت نحمي استقلالنا بمالنا لازم نعلّي التّربية بمعروفنا

نحنا بعتنا الحرف من مشعالنا ومن ترابنا أهل العلم والمعرفة

                    أخدوا ذخاير ووزّعوا ع ضيوفنا

إظهار التعليقات

يلفت موقع النهار الإلكتروني إلى أنّه ليس مسؤولًا عن التعليقات التي ترده ويأمل من القرّاء الكرام الحفاظ على احترام الأصول واللياقات في التعبير.

Digital solutions by WhiteBeard
Digital solutions by WhiteBeard