صرخات غاضبة في مطار بيروت: "البهدلة والذل غير محمولين"

لعلّ ما شهده المواطنون في مطار بيروت بعد العطل الطارئ دفع ببعضهم إلى استعادة الفيديو الذي انتشر الأسبوع الماضي لمواطن لبناني يعبر عن غضبه من الفوضى في المطار وغياب الدولة والفساد المستشري في مرافقها، ويصرخ: "انتو بدكم محمد بن سلمان يحكمكم ويعاقب إللي بيسرق وبينهب".  

النائب نديم الجميل: "بعد المهزلة المستمرة منذ أشهر في مطار رفيق الحريري الدولي حان الوقت لكي تتحمل كل جهة مسؤوليتها وتتم اقالة مدير عام المطار".

الزميلة كريستين حبيب: "قدّ ما تجرِّصنا يا مطار بيروت رح ضلّ حبّك... أوّلاً لأنّك بتحمل إسم شهيد حضاري ما كان رح يرضى بكلّ هالجرصة، تانيًا لأنّك المطرح الوحيد يللي بقدر إهرب منّو من هالجحيم".

الزميل باسل العريضي: المهزلة، الكارثة، الخزي. مطار بيروت يتوقف عن العمل لساعات، هيدا الشي لو في حكومة ومسؤولين كنا منقول مفروض تستقيل الحكومة وينشحط كل واحد مسؤول. بس الخبرية يبدو فيها ريحة شي بتشبه ريحة زبالة الكوستابرافا.

صرخات غضب أطلقها روّاد التواصل الاجتماعي للمعاملة البعيدة من الانسانية: "البهدلة والذل ما بقى محمول بالمطار مطار بيروت، شوفوا العالم كيف نايمة عالأرض".

تغريدة مغايرة نشرتها الاعلامية جومانا بو عيد: صباح الخير من مطار بيروت. شهدت اكبر مطارات العالم فوضى عارمة ايضا بسبب العطل الطارىء مساءً، لكن الفرق ان الناس في تلك المطارات تعاملت مع الموضوع بهدوء واحترام، أما في لبنان! كمية قلة التهذيب والشتائم بحق البلد! عيب. القوى الامنية و موظفي #مطار_بيروت بكل احترام حاولوا مساعدة الناس وشرح المشكلة بالمقابل وابل من الشتائم من بعض المسافرين".