هكذا رثت نجوى كرم سعيد عقل

رثت الفنانة نجوى كرم الكبير الراحل سعيد عقل بقصيدة كتبتها باللهجة العامية وتغنت بأمجاده وفضائله. ابنة زحلة أبت إلا ان تودع كبير لبنان على طريقتها الخاصة. فحضرت إلى جامعة سيدة اللويزة يوم الاثنين حيث كان نهاراً تكريمياً للشاعر الراحل من القائمين على الجامعة، وألقت كرم سلسلة من الأبيات الشعرية الخاصة واستطاعت أن تثبت في مناسبة جديدة وبشيء من القوة أنها صوت زحلة. وجاء في قصيدة رثائها:
الموت ما بيقدر على الـ متلك
درب المحبة صعب يوصلا
لو حروف المجد لبقتلك
هيدا لأنو معلمك الله...
يا تاج زحلة الـ فرفط بهالكون
دقيت معبد شعرك افتحلي
جايي بحنيني لملمك من هون
وردّ التاج والملك ع زحلة...
تعملقت حتى الكون زغّرته
ولصوب عقلك رجحت الكفة
الإرث الفينيقي اثبتت لبننته
هيهات بعدك في حدا يكفي...
وقّف تاقلّك قبل ما تروح
يا اللي محبة أرضنا خلقت إلك
باب السما مشرّع ومفتوح
روح بطريقك لبنن نجوم الفلك...