اشترِك في نشرتنا الإخبارية
فخامة الرئيس،
لأنّوكرامتك عِنّا أكبر منن كلُّن
كلامي عن حسرة كبيرة مش عن حقد
وجعنا وعتبنا عليك
لأنورجعنا عَ لبنان
بيشبه كلامك ووعودَك
وعنفوانك وصمودك
ووعينا اليوم عبلد
أقرب لفسادن وقمعن ونظامن
يا ريتك من أول نهار بعهدك
قلبت عليهم الطاولة كلن
يا ريتك انت وعم تعطي توجيهات
بملاحقة كل من يطال موقع الرئاسة
لاحقت اللي سرقوا ٥٢ مليار عالكهربا
وتركونا بالعتمة
ويلي وصَّلوا الدين العام لـ ١٠٠ مليار
وبعدنا بلا طرقات وبلا مي وبلا شغل
وبقينا متصَدّرين لائحة البطالة
ويلي موظف بالدواير الحكومية
تيتكّس ويقبض
والشرطي اللي بيدفِّعنا مخالفة
هوي وفاتح واتساب
لأنو قطعنا إشارة مطفيّة
والتاجر اللي حتى بس يشتري الدولار عالـ 6000 ل. ل. بيضلّ يبيعنا اللقمة عالـ 11000 ل .ل
ويلي بينزل يكسّر ويفشّلنا أي محاولة للمطالبة بحقوقنا بعيش كريم
والبلطجي اللي بدو بالقوة يفرض زعيم وتاج ع راسنا
والجندي اللي بسبّنا نحنا وقدام بيت الزعيم اللي بيرافقو
ولك حبسوا شي وزير أو نائب
طيب شي مرافق وزير
طيب خلص لاحقوا المواطن
حبسونا كلنا،
بس مهم برا الحبس يرجع البلد يصير وطن
يعيشوا في ولادنا بكرامتن
فخامة الرئيس،
في ناس آمنت فيك
حقها تعرف ليه سكتلُّن
حقها تعرف ليه كتلتك النيابية
ما فضحت ملفاتهن
حقنا نعرف ليه عيّنت وما انتخبت
وريث سياسي يحكي باسمك
ما بيشبهك ولا بيشبه مبادئك بشي
حقنا نعرف مين من الداخل خذلك وتواطأ مع الفاسدين
سكتّوا 4 سنين خوفاً من الفتن والحرب الأهلية
وخراب البلد
وبس البلد صار ع شفير الموت
بقيتوا ساكتين
ونحنا ناطرين
شهادة براءة الأبرياء
وإدانة الفاسدين
فخامة الرئيس،
لأ !
العهد ما نجح
العهد كان الأفشل
أكيد مش إنت وحدك المسؤول
بس أنت وحدك كنت أملنا
هودي اللي ما خلّوك
نحنا عارفين إنّن باعونا
وقَبَضوا حقنا من مالنا
وبعناهن من زمان
فخامة الرئيس،
اللي مضى أكتر من يلّي باقي
شعبك ما بيستاهل تخذلو
ولا بيستاهل هيك عيشة
?
#كفى_صمت
#حقنا_نعرف
#حقنا_نعيش
