اشترِك في نشرتنا الإخبارية
شذى عن هيثم شاكر: محروم من الطعام ولا يأكل بصورة طبيعيّة
كشفت الفنانة شذى عن الحالة الصحية والمرض الخبيث الذي تعرّض له الفنان هيثم شاكر وذلك عبر صفحتها الشخصية في "إنستغرام"، قائلةً: "من إمبارح بيجيلي تليفونات اللي زعلانين مني علشان أنا من أصحاب هيثم القريبين وكنت عارفة ومقولتش على مرضه، واللي أصلاً بيشكك أن هيثم كان تعبان عموماً علشان مش هينفع أرد على كل المكالمات، هيثم كان فعلاً مريض بمرض خطير، ربنا يبعد كل شر عن أي حد يا رب، والحمد لله هو تعافى بس هو لسه في حاجات كتير محروم منها وأهمها حاجة أساسية لأي كائن حي، وهي نعمة الأكل، هيثم لحد دلوقتي وهيفضل كده ميقدرش ياكل بشكل طبيعي وده سبب اختفائه كل الفتره دي".
وأضافت شذى: "هو فقد كتير جداً من وزنه عموماً محدش بيسيب نجاحه بمزاجه ويختفي ومش معنى أن أي حد بينزل صور ولا بيبين أنه مبسوط أن دي بتكون الحقيقة، كل واحد عندو حتة مستخبية محدش عارف عنها حاجة، أنا كتبت كده علشان محدش يلومني ليه ماكنتش بقول، وعموماً برضو هيثم هو اللي مكنش حابب حد يعرف حاجة عن كل معاناته، دي علشان أصحاب النفوس المريضة ميفهموش أن هو بيعمل أي حوارات علشان يبرر بيها غيابه، ولما قرر يعرف جمهوره وأصحابه عرفهم وهو منور وفرحان بنجاح ألبومه، اللي في وسط كل ده كان مهتم برضو مينزلش بأي حاجة، وكان عنده إصرار يعمل ألبوم محترم، مبروووك يا هيثوم وحمد لله على سلامتك وافرح بتعبك في ألبومك وبالناس اللي بتحبك".
