باسيل من باريس: سننتصر بتحقيق العقاب وإنهاء حالة اللاعقاب للسارقين

أشار رئيس التيار الوطني الحر النائب جبران باسيل في كلمة له خلال لقاء في باريس إلى أن "اللقاء هنا له دائماً نكهة مميزة، ففرنسا بتبقى دايماً الأرض يلّي إحتضنت العماد ميشال عون بمنفاه وقت يلّي إضطهدنا وأقصينا، وهي أرض الحريّات يلي أطلق منها التيار معركة إستعادة الحرية والسيادة والإستقلال للبنان، وعمت العالم ووصلت لأميركا بقانون إستعادة السيادة ومنها رجعنا محرّرين للبنان، فرنسا هي الأرض يلي عم تنطلق منها اليوم معركة تحرير لبنان من الفساد والفاسدين، والشرارة الأولى بمعركة إنهاء زمن اللاعقاب طلعت من باريس بمذكرة التوقيف الدولية يلّي صدرت بحق حاكم لبنان وسارق أموال اللبنانيين رياض سلامة".

وقال: "مثل ما إنتصرنا بتحقيق سيادة لبنان وإستقلاله إنطلاقاً من باريس، رح ننتصر بتحقيق العقاب وإنهاء حالة اللاعقاب للسارقين انطلاقاً من باريس".

وتابع قائلا: "أقرب المقربين إلي ضلّوا لمبارح يقولوا لي:"من عقلك بيتلاحق أو بيتحاكم أو بيتوقف رياض سلامة؟" سائلاً: "وين كانوا بمعركة الكهرباء لما نحنا كنا عم نحارب كرمال نجيبها؟ وين كانوا بمعركة النفط والغاز لمّا نحنا كنا عم نطلّع قوانينها ومراسيمها وعم يوقفوهم؟ وين كانوا بمعركة التدقيق الجنائي لمّا نحنا كنا عم نحاول نمرره؟ وين كانوا بمعركة قانون الكابيتال كونترول لما كنّا عم نحاول نقرّه بمجلس النواب وبعد ما أقرّ على رغم 3 سنين ونص؟ وين كانوا بمعركة إستعادة الأموال المحوّلة للخارج وبمعركة قانون كشف حسابات وأملاك السياسيين والقائمين بالخدمة العامة؟ وين كانوا ووينهم اليوم بمعركة معاقبة رياض سلامة وعصابته؟".