أوضح النجم اللبناني وسام حنا أن كلامه مساء أمس خلال نيله جائزة أفضل ممثل في حفل الـ murex d’or كان عفوياً من القلب، وكان بمثابة وقفة وطنية حيال ما يجري في بلدنا.
وقال وسام في حديثه للنهار : "بالرغم من كل السواد المنتشر من حولنا تبقى هناك وقفات وطنية لا يجوز المس بها. اخترت يوم أمس أن أتكلم بأوجاع الناس وأنا منهم".
وأضاف: "كنت قد قررت أن التزم الصمت منذ مدة ولكن مهما كان القرار صارماً هناك ما يحرك فيك الإحساس، هو أشبه بإيمان خفي يتحرك حين نبتعد عن الله ونشعر بنفحة الايمان، الأمر نفسه حين نحاول الابتعاد عن الوطن وقضاياه لخيبة أمل أو يأس ما، هناك ما يشدنا مجدداً نحو لبنان ووجوده. يوم أمس كان وقفة عز قررت فيها ألا أكون حيادياً جيال ما يجري على بلدنا وان أكون صريحاً وواضحاً بلا مواربة ودون أي لعب على المصطلحات".
وكان الفنان وسام حنا قد القى كلمة عالية النبرة خلال تسلمه جائزة "أفضل ممثل لبناني لعام "2021 ، تأثر فيها الجمهور وقاطعه بالتصفيق أكثر من مرة لما فيها من شعور وطني وثورة على الواقع المرير الذي يعيشه لبنان.
وقال وسام : "مسا لبنان، الليلة عم بستلم جائزة أفضل ممثل لبناني… عم مثِّل وطن مجروح… فجّره كل فاجر بهالسلطة… كل شخص ما بيخاف الله… مجرم وأناني…
بس أي شباب عم مثّل؟ نصُّن صاروا فوق… صاروا بدني تاني…
والنص التاني ناطر تأشيرة من السفارات… ناطر يفل من بلاد كل شي فيها غالي… إلا الانسان رخيص ومجاني…
حامل هالجايزة ورايح… عباب مدفن دجو نون وحمد العطار والشهيد علاء ابو فخر وكل شهدا وطني الأول… يلي مش مفروض يكون تابع لحدا تاني…
وعالعنبر رقم ١٢ رح اكتب ٨…
خلّي الدني تشهد انو الـ ١٢٨ باعوا البلد… ب جرار مليانة…
وأرز لبنان يلّي انذكر ٧٥ مرة بالكتاب المقدس… فشَر يعملوا فيه توابيت بيضا… لبنان رح يرجع يقوم… لبنان وقف الله مش أرض توابيت بردانة…
بحق رجال هالوطن… بحق كل بَي شهيد… وكل إم بكيانة…
فيكن تغمضوا عيوننا بالمدافن… بس ما تنسوا… عيون الله عهالوطن سهرانة…".
