Digital solutions by

أجمل شعر على الدّفتر

21 آذار 2018 | 08:00

shutterstock

بحلم يا أمّي بالعمر أصغر حكاية قبل ما نام تحكيلي 

وبريحة حبّك صير أتّعطّر وخبّي ربيعك بمناديلي

ولمّا بشوفك الأمل بيظهر وبتخفي التّعب وما بتشكيلي

وتيضل وجّي قبالك منوّر تضوي من حضورك قناديلي

إمّي يا أجمل شعر عالدّفتر كتبتو صلاة وللرّب ترتيلة

وتيضل قلبي بعطفك مزهّر ضلّي صلاة من البيت ودّيلي

أنا إبنك رسول بصير بالجوهر ولمّ القداسة من ورق عمرك

وأكتب من حروفها أناجيلي

طوني أبي يونس

ثانوية أهمج الرّسميّة


Digital solutions by