Digital solutions by

آه... يا لبنان

28 كانون الثاني 2016 | 10:53

(عن الانترنت).

الورد عنّا كثير

وربوع ملياني زهر وعصافير
وملائكة طهر
ونحل فوق الزهر
ودبابير
وتلال خضر
تسبّح الرحمن
وحقول عم بتموج
بالعطر والريحان
وصخور خالده
ع مر هالأزمان
آه... يا جنّة الحب
يا روضة الرهبان
آه... ما أجملك يا لبنان
***

ولو هون اسكتنا
وأكثر ما زدنا
وفي حضن الطبيعه غرقنا
وفي جنة عدن عشنا
ومالنا ومال الزمان
وقصّة الإنسان
في لبنان
قصّة الأنسان
...
قصة حزينه
وبالقهر ملياني
والبلد أصبح رهينه
وعيون الكل غفياني
ويا ريت تبقى زينه
الأخلاق
أسعارها غلياني
قل الوفا
وعاف الصفا
والناس
كثير تعباني
شو نفع العطر والريحان
ما زال في لبنان
ضاعت قيمة الأنسان
آه... آه... يا لبنان

Digital solutions by