مي حسن تهاجم رضوى الشربيني: "اللي بنقوله في حق الرجالة عيب"

هاجمت الفنانة الشابة مي حسن، الإعلامية رضوى الشربيني، بسبب ما اعتبرته "تحريض النساء على إهانة الرجال والتقليل منهم"، خصوصاً بعدما تداول رواد مواقع التواصل الاجتماعي مقطع فيديو للإعلامية، نصحت فيه إحدى متابعات برنامجها بحظر رجل كانت مرتبطة به عاطفياً، قائلةً: "اعمليله بلوك".

ونشرت حسن مقطع فيديو عبر صفحتها في "فايسبوك"، وعلّقت قائلةً: "الهوجة دي إحنا مش واعيين مدى خطورتها علينا، البنت اللي بتعمل بلوك للرجالة، وبتدخل غروب إحنا بنكره الرجالة، إحنا أساسنا راجل، لولاه مكناش جينا، وكل واحدة فينا في حياتها راجل سواء حبيب أو أب أو أخ أو صديق، بتعتمد عليه".

وأضافت: "أول ما بتعملي حادثة بتروحي لراجل(...)". وتابعت: "اللي بنقوله في حق الرجالة عيب، وأنا مقبلش حد يقلل من كرامتي أو قيمتي، وبعدين يا حبيبتي منك ليها بتعملي إيه للراجل علشان تستني منه اللي هو بيعمله، أي راجل محتاج روقة، لو أنتي روقة هيكون أبو كمال، غير كده متزعليش". ثم قالت: "ولا عاوزينا نعمل زي صبا مبارك في مسلسل العهد، ونعمل كفر للنسوان، وفي الآخر تتجوز أحمد العوضي، ولها حق الصراحة".

ونصحت الفنانة الشابة، الفتيات بألاّ يتبعن نصائح "الشربيني": "رضوى يوم ما هتلاقي راجل محترم وابن ناس مش هتقول لأ، خليكي حنينة الراجل هيبقى خاتم في صباعك".