بعد نجاتها من الموت... مروة عبدالمنعم: ربنا أعطاني فرصة تانية!

نجت الفنانة مروة عبدالمنعم من الموت بعدما كادت تتعرض لسقوط عقار على سيارتها.  

وكتبت عبدالمنعم، في حسابها الشخصي بموقع التواصل الاجتماعي "فايسبوك": "ماشيه بالعربية حالا وفجأة عمارة جنبي بتقع عليا بالظبط، حودت بالعربية شمال متر واحد بس هو اللي أنقذني".

وأضافت: "منظر مرعب جدا، واقفة جنب المنظر بتفرج عليه بدهشة، العبرة مش في إني مامتش، لأن عموما الموت راحة، العبرة في رسالة باعتهالي ربنا في الوقت ده بالظبط وأنا بدعيله حاجة معينة في اللحظة دي بالظبط، كأنه بيرد عليا وبيقولي، أنا ممكن في لحظة آخدك، بس لأ، خدي فرصة عيشي، واعرفي إن مافيش حاجة في الدنيا تستاهل".

وتابعت: "بيقولي أنا بس اللي أقدر أحميكي، وأنا جنبك الحمد لله رب العالمين".

واختتمت: "ملحوظة.. العربية اللي ورايا اتدمرت معرفش فيها حد مات ولا لأ ربنا لحكمه منه.. ماخترش عربيتي واختار العربية اللي ورايا".