أنتِ العيد

20 آذار 2018 | 21:00

عن عيد أمي جيت توصّل خبر عطفا مثل زهر الرّبيع اللّي انتشر 

ما بين إمّي وبين نجمات السّما حبّ وأصالة وتضحية بأحلى صور

امي مثل زرّ الورد يلّلي نما بحوض الدّني هوّي العرين المعتَبَر

من وقت ما فتحت عيني بهالحمى عرفتا حنان وحبّ ع وسع الدني

    بتفهم شو بدي قول بلمحة نظر

تعلمت منّك كيف نمشي بالحياة ونحكي مع النّاس بثقافة عالية

تعلّمت منّك كيف بتكون الصّلاة وتمجيد الله بنقاوة جالية

تعلّمت منّك يا بحر حبّ النّجاة بعد الغرق إنتِ الشّطوط الحالية

تعلّمت منّك كيف بتزول الآهات إنتِ الدني وعيش الهنّي

إنشالله تدومي يا أمّي الغالية

أنطوني صوما

ثانوية أهمج الرّسميّة


إظهار التعليقات

يلفت موقع النهار الإلكتروني إلى أنّه ليس مسؤولًا عن التعليقات التي ترده ويأمل من القرّاء الكرام الحفاظ على احترام الأصول واللياقات في التعبير.

Digital solutions by WhiteBeard
Digital solutions by WhiteBeard