اشترِك في نشرتنا الإخبارية
ديما صادق: "اللي كان يبعت سيارة الرعب حيصير نائب"
استعادت الاعلامية ديما صادق ذكريات على مقعد الدراسة الجامعية، في حالة كتبتها بفيسبوك، لم تخلُ من المواقف السياسية. وكتبت صادق، عائدةً بالزمن الى عام 2000: "كنت بجامعة اليسوعية سنة ال ٢٠٠٠. كان في أستاذ بعلمنا نحنا طلاب العلوم السياسية مفهوم الحرية و الاستقلال . كان عندو هم واحد: يحارب بمقالاته الاحتلال السوري والنظام الأمني اللبناني السوري. كانت سيارة المخابرات ، سيارة الرعب، توقف عباب الجامعة ، لتذكرنا نحنا الطلاب انه المطالبة بالكرامة مرعبة ، انها بتهدد حياتنا ، وكانت كمان موجودة لتذكر الاستاذ انك حتضلك ملاحق بسبب مفهوم الحرية اللي عّم تزرعو بنفوس هالطلاب. هالاستاذ كان اسمو سمير قصير. سمير قصير اغتيل . و اللي كان يبعت سيارة الرعب حيصير نائب يحكي باسم الشعب . بس هيك".
وقد أثارت الحالة التي كتبتها صادق ردود فعل واسعة على مواقع التواصل الإجتماعي، وانقسم الناشطون بين مؤيدين لما قالته ومعارضين له. ومن أبرز المواقف، ما قاله أحد المتضامنين رداً على صادق: "يسلم تمك ياديما. رح يضلو صوت سمير بيخوفن، هدول ناس بيخافو من الكلمة
".
