"ولعت" بين شربل خليل وأسعد ذبيان!
معروف أنّ تغريدات المخرج الكوميدي #شربل_خليل تستفزّ بعض المتابعين في أحيان، كما حصل اليوم مع الناشط في الحراك الشعبي أسعد ذبيان.
وفي التفاصيل، أنّ خليل كان غرّد قبل يومين عبر "تويتر": "بدنا نحاسب: أنتم المجموعة الوحيدة التي لا يمكننا أن نقول لأعضائها طلعت ريحتكم"، فردّ عليه ذبيان على حسابه اليوم: "صحيح! لأن انت فيك توزع شهادات حسن سلوك واستقلالية؟ تاني مرة بتعمل سكتش عن شي بعبع شوف مين بيوقف معك"، مما دفع خليل إلى الردّ: "أنا عم وزّع رأيي. إذا زعجك بتكون المسلّة تحت باطك. وما بدّي توقف حدّي إذا وقفتك ع شكل وقفاتك اللي شفناها بالشارع"، فأجابه ذبيان: "لا يا شربل. المشكلة باللي مش عاجبه شعار كلن يعني كلن، وبيرجع بيسأل وين المشكلة؟ بفتخر اني وقفت لحقوق الكل دون تفرقة وطائفية"، فردّ خليل في تغريدة أخرى: "بدنا نحاسب برأيي الشخصي إداءها كتير منيح، فرجعت إدعمها. ليش إنت زعلان؟ ما فهمت"، مما استدعى ذبيان بالردّ بهذه التغريدة: "انا مش زعلان.. بالعكس انا ضد وضع اسفين بين المجموعات.. وضد التفرقة بين المجموعات.. وضد ذم البعض وانت مش شايف شغلهم وتعبهم".
وتوالت الردود بين المخرج والناشط، إذ قال خليل: "شايف كل شي وبتابع أبسط التفاصيل، وإذا مدحت مجموعة ليش باقي المجموعات بدّا تعتبر هالشي "دقّ اسفين"؟هلقد النوايا بين بعضكن عاطلة؟"، فأجابه ذبيان: "لا انت اللي عم تقول انتوا المجموعة الوحيدة اللي ما طلعت ريحتكم. عم تربط مدحك بذم الآخرين وهيدا الخطأ يا عزيزي". فعلّق خليل: "قلتلك بالتغريدة السابقة: بعدنا عنكن كلّكن، وعن بدنا نحاسب كمان.اليوم إداءها منيح.عم إحكي اللي شايفو.انشالله بغرّدلك قريبا هيك".