اشترِك في نشرتنا الإخبارية
"لا كهربا ولا مي"...غضب ساطع على مواقع التواصل!
لا #كهرباء. لا مكيّفات. وربما في بعض المنازل لا مياه، فكيف يضبط اللبناني أعصابه؟ كيف لا يغضب؟ كيف لا يتذمّر؟ وكيف لا يخرج عن طوره ويتحرّك؟ كأنّ لا خيار أمامه سوى "فشّ الخلق" عبر "فايسوك" و"تويتر". على الجدران الافتراضية، راح مواطنون يبكون على حالهم بالنكات وفي بعض الأحيان بالسُباب (لِمَ لا؟). هاشتاغات عدة تنشط، يتداولها ناشطون الغرض منها إيصال صوتٍ ما أو ملامة أو غضب.
نختار ما يمتّ إلى الحدث: #كهرباء _لبنان. عبر هذا الهاشتاغ، صبّ لبنانيون غضبهم على واقعٍ غارق في #الظلمة. لا يكفي أنّ الكهرباء شبه غائبة، وبالكاد يُلمح أثر لها، حتى زاد حرّ آب الطين بلّة مما سبّب الاختناق وضيق النَفَس!
مما جاء في التغريدات:
- #كهرباء_لبنان يا ضلي يا روحي
- بحب اشكر #كهرباء_لبنان لانها أجبرتني اصعد #السلالم بكل مشاويري لليوم وبفضلها عم باكل بوظة بدون اي شعور بالذنب
- #كهرباء_لبنان: حدا ممكن يفهمنا، بوجود بواخر تركيا والدخنة اللي عافطة بالمعامل ليه ما في كهرباء؟ لا في عواصف ولا قصف! يما متواطئين مع الزبالة
- #كيفك_يا_وجعي؟؟ #كهرباء_لبنان
- عأساس شتت الدني و عنا فائض من الماي ليه عم يكون في تقنين أكتر من قبل؟ #كهرباء_لبنان
أما عبر هاشتاغ #معالي_الحرامي، رفع المواطنون "جرعة" الغضب، متوجّهين إلى مَن يرونهم السبب في استمرار الحال على ما هي عليه وعدم الاكتراث الرسمي بمعاناة الشعب. ومما جاء في التغريدات:
- #معالي_الحرامي اللي قبلك اكتفى بـ 10 مليون... و طيارة بدك مليار؟ شو ناوي تشتري قمر اصطناعي؟
- دمت ذخرا للسياحة، من 5 دقائق عادت الكهرباء اذ اسمع صراخ طفل قرب منزلي هو ابن مغترب كويتي يصرخ من الفرح اجت الكهربا اجت الكهربا #معالي_الحرامي
- عزيزي #معالي_الحرامي اديش صار حسابك بالبنوك؟ كم سيارة صار عندك؟ كم ارض وعقار ومبنى اشتريت؟ وين عم يتعلموا ولادك وولاد ولادك؟
- #معالي_الحرامي مش الحق عليك الحق علينا جبنا ناس طالعة ريحتا وهلق عم نحصد عتمة وزبالة
- #معالي_الحرامي في شعب عم ينام ويفيق بلا كهرباء، وفي اطفال عم تمرض من الشوب، وفي طعام عم يفسد بالبرادات..
- #معالي_الحرامي والله بيكفي يلي عم تعملوا بالشعب والبلد " استحوا عحالكن وفلو
نُكمل في الهاشتاغات الساخطة على سوء الحال، وإليكم بعض ما جاء عبر #كهربا_ومي:
- #كهربا_ومي سامع فين ...وين وين وين
- مش ضروري يكون عنا #كهربا_ومي .. أهم شي الاخلاق
- بلا #كهربا_ومي بالسطل هي الحل
- #كهربا_ومي لسه فاكر كان زمان
- #كهربا_ومي : جاري البحث
وتغريدات أخرى، ليتها تملك أن تفعل شيئاً أو أن تصل بالأزمة إلى حل.
