بحَياتك شو شقيت

19 نوار 2020 | 07:55

المصدر: النهار

حَياتك شو شقيت وصعاب الدني تحديت

بحَياتك شو شقيت

وصعاب الدني تحديت

ما بعمرك لـ حدا شكيت

ولوحدك ياما صلّيت.

كنت تعطيني الأمل

في نور لو شو ما حصل

انت بعيوني البطل

وع هالبطولة تربيت.

قلتلي: "سلاحك هوّي

الحكمة والسمعة الحلوي

الإيمان بيعطي القوي

ما تخلي راسك يلوي".

ياما في ناس أذوك

خانوك وغدروك

وما قدروا يكسروك

بالصبر تعبك تروي.

بسماتك يا بسام

معك بكل حكايتك

وهالمرض لـ متل السهام

حاربتو بضحكاتك

وبكل صمت وسلام

سقيته فرح دمعاتك.

علمتنا الرجولي

تواضعك في بطولي

وعن كرمك حكيولي

والطيبي لـ بنظراتك.

عم بتعيّد بالسما

مع كل لي سبقوك

شمعة حب منرسما

ببسمة لـ بحبوك،

وبالجريدة لـ حبيتها

الابيات إلك هديتها

لهالسنين لـ قضيتها

أعمالي رح بكرموك.


ما رأيكم بتحضير هذه الحلوى العراقية بمكوّنات بسيطة مع المدونة ديما الأسدي؟



إظهار التعليقات

يلفت موقع النهار الإلكتروني إلى أنّه ليس مسؤولًا عن التعليقات التي ترده ويأمل من القرّاء الكرام الحفاظ على احترام الأصول واللياقات في التعبير.

Digital solutions by WhiteBeard
Digital solutions by WhiteBeard