نشوى مصطفى توضّح موقفها المالي... وترسل رسالة لأشرف زكي

21 تشرين الأول 2019 | 12:20

المصدر: "رصد النهار"

نشوى.

ردّت الفنانة نشوى مصطفى على مهاجميها ومنتقديها عبر حسابها الشخصي في "فايسبوك" بعدما نشرت يوم الأربعاء منشوراً طلبت فيه العودة إلى التمثيل.

وقالت مصطفى: "من يومين كتبت بوست والحقيقة كالعادة الفترة اللي فاتت بقيت أي حاجة بكتبها بيكون رد الفعل تجاهها أكبر من توقعاتي بمراحل، البوست كان ملخصه إني عايزة أمثل، والحقيقة أي فنان زميل هيفهم معنى إن طاقتك وموهبتك متعطلة، إنك تكون مركون على المعاش، وأنت لسه عندك طاقة بدليل أن العظيمة أمينة رزق كانت بتمثل لآخر يوم في عمرها اللي تجاوز التسعين سنة، وإنها قدام الكاميرا كانت بتتحول لطاقة فنانة في التلاتين، المهم إنه اتفهم من البوست إني لا سمح الله محتاجة أمثل علشان محتاجة فلوس مثلاً، وده عرفته من كم التليفونات اللي تلقيتها أو من كم الناس السفلة الشمتانين الكارهين اللي بيكرهوا أي حد بيقول تحيا مصر".

وأضافت: "أحب أوضح لكل الناس محبين أو كارهين إني من فضل الله سبحانه وتعالى مستورة جداً، وإني متزوجة من رجل بيعولني ومن فضل الله زوجي عنده بيزنس ساترني وساتر بيتي وولادي اللي بفضل الله اتعلموا جوه مصر وسافروا كملوا دراستهم في أميركا وألمانيا، وبفضل الله وكرمه ونعمته واجتهاد زوجي الحمد لله مستورة".

وتابعت: "زوجي معاه جنسية أميركية وأنه من الممكن إنه ننتقل للعيش في أميركا ودخلنا من شغله يكون أعلى بس إحنا زي السمك مانقدرش نسيب مصر".

ثم كشفت عن تفاصيل مكالمة دارت بينها وبين نقيب الممثلين أشرف زكي فقالت: "دكتور أشرف زكي مش مجرد رئيس أكاديمية الفنون ولا مجرد نقيب الممثلين أشرف أخويا اللي يوم ما أبويا مات لقيتني بمسك التليفون وأتصل بيه أول واحد، قبل ما اتصل بأهلي، بس في الشدة أشرف سند، حتى وهو بيعاتبني وبيقول لي حيفضل عيبك الوحيد من يوم ماعرفتك من تلاتين سنة أنك بتتصرفي بإحساسك من غير ما تفكري، أوعدك يا أشرف إني هاحاول ما اتصرفش أي تصرف غير لما أعديه على عقلي قبل إحساسي، بس ما أوعدك إني هعرف".


علاء أبو فخر: الحكاية الجارحة

إظهار التعليقات

يلفت موقع النهار الإلكتروني إلى أنّه ليس مسؤولًا عن التعليقات التي ترده ويأمل من القرّاء الكرام الحفاظ على احترام الأصول واللياقات في التعبير.

Digital solutions by WhiteBeard
Digital solutions by WhiteBeard