صوتن من بعيد جايي

14 تشرين الأول 2019 | 12:52

المصدر: النهار

مَرِّتْ غيم، مَرِّت طير فوق الجبال

صوتن من بعيد جايي من عاد

عم يرن بهالمدى صدى موال

مجروح مع كل نسمة هوا ينعاد

مش عن قصد، عم يذكرو الأحوال

ويعاتبوا عالبعد، واللي صارو بغير بلاد

***

تغرّب هجّ بهالعتم

متل القمر غاب ورا التلال

لاترك صورة ولارسم

ولاكلمة حكى ولا بودعكن قال

لا تندهوا ماعاد عندو اسم

ضاع متل الصدى اختفى متل الخَيَال

***

إيامنا مرّوا متل الحلم

مَرِّتْ غيم، مَرِّت طير فوق الجبال

ماعاد تحكيلي عن هالوهم

ماعاد في بيناتنا ميعاد.

"منبتٌ للنساء والرجال" بصوت كارول سماحة: تحية "النهار" للمرأة الرائعة

إظهار التعليقات

يلفت موقع النهار الإلكتروني إلى أنّه ليس مسؤولًا عن التعليقات التي ترده ويأمل من القرّاء الكرام الحفاظ على احترام الأصول واللياقات في التعبير.

Digital solutions by WhiteBeard
Digital solutions by WhiteBeard