غني وسمِّعنا

3 تشرين الأول 2019 | 10:22

المصدر: النهار

غنّيلي غنّي وسمِّعنا

غنّيلي غنّي وسمِّعنا

نسِّينا ضجّرنا ودمِّعنا

سهِّرنا وحكيلنا حكايات

نذكر مشاوير وصبحيات

ونذكر بالخير اللي جمَعنا.

...

غنّي وذكِّرني بكل مين راح

ومين كان واقف معنا بالأول،

مين كان قربو كلو سماح

ومين تركنا وعنا تحوّل

وهاللي مخبّي بقلبو جراح

كل يوم أكتر عم يزعل،

وهاللي كان رايق مرتاح

واللي بسفرة قريبة متأمّل

بين خطاوينا مرّوا ناس

شو تعبو معنا وتعبنا

لو فينا نحكي بإخلاص

ما بتخلص هالغنيّة معنا.

...

غنِّيلي وغنّي لبلدنا

يا جرح القلب يا وجَعنا

بين شوارعنا تشردنا

وع حفاف بيوتنا تغربنا.

غنّيلي غنّي ونسّينا الآه

نحنا ما بدنا مال ولا جاه

والكلمة الحلوة بتسعِدنا.

نقطة ضو تصنعها إليسا مع "النهار" ومعكم

إظهار التعليقات

يلفت موقع النهار الإلكتروني إلى أنّه ليس مسؤولًا عن التعليقات التي ترده ويأمل من القرّاء الكرام الحفاظ على احترام الأصول واللياقات في التعبير.

Digital solutions by WhiteBeard
Digital solutions by WhiteBeard