الطفل إيليو يحارب السرطان منذ سنّ السنتين... هذه حكاية الأساور الملونة لإنقاذه!

6 أيلول 2019 | 13:17

المصدر: "النهار"

مارغريتا وميكائيلا.

"فعل الخير لا يبدأ من عمر محدد"، هكذا أثبتت حملة "BraceletsForElio" الذي بدأت منذ عشرة أيام بسواعد مارغريتا وميكائيلا. الفكرة اتخذت مجرى مغايراً للأحداث، فبعدما عملت مارغريتا الحاج (13 عاماً) خلال عطلتها الصيفية على صنع أساورٍ من خيوط ملونة، كان هدفها التبرع في المبلغ لإحدى الجمعيات. إلا أنّ ميكائيلا الياس (8 أعوام) غيّرت الهدف بعد أن علمت من والدتها أنّ رفيقها الطفل ايليو باتريك بطيش بحاجة إلى زرع نخاع شوكي. 

من إسوارة واحدة إلى ألف 

تعاونت مارغريتا وميكائيلا على صنع عشرات الأساور في الأيام الأولى التي ما لبثت أنّ ارتفعت إلى مئتي إسوارة في اليوم. جالت الصغيرتان شوارع ومقاهي البترون لبيع إنتاجهما الحرفي إلى المارة والأصدقاء. فصدمتا بردات الفعل التي انقسمت بين أفراد تعاطفوا معهما وآخرين ساهموا دون شراء الاسوار، أما القسم الأخر، فسخر من فكرة الطفلتين ومنهم من حاول "التشاطر عليهم" عند الشراء. هذا وأبدت الفتاتان استعدادهما في الاستمرار في هذه الحملة لتأمين المبلغ في حال وجد متطوعون يساعدونهما في صنع الاساور. 

بالرغم من التعب المغمور بالفرح الذي عايشته الصغيرتان إلا أنّ مشروعهما كبر يوماً بعد آخر حتى بيع ما يقارب الألف إسوارة وجمع مبلغ بقيمة 3561000 ليرة لبنانية. فـ"بوست" والدة ميكائيلا في صفحة الحملة بإنستغرام تختصر حكاية الأيام العشرة. 

View this post on Instagram

#BraceletsForElio أنا كتير مبسوطة وحابي شاركن فرحتي؛ من ١٠ ايام شفت مارغريتا عم تعمل اسوارة من خيطان قلتلها لمين عم تعمليها جاوبتني عم فكر اعمل اساور وبيعن والمصاري قدمن لشي جمعية قلتلها برافو انا بشجعك في صبي اسمه اليو باتريك بطيش رفيقها لميكايلا عندو سرطان وعندو عملية كلفتها ١٠٠٠٠٠$، قالتلي اكيد اه وخبرت ميكايلا وبلشو يشتغلو كل ما يعملو اسوارة يبرمو تيبعوها اول يوم ما حدا اشترى بس جمعو ٨٠٠٠٠ ليرة قلتلن صار معكن مصاري عإسم اليو معكن ١٠ أيام جمعو مصاري قد ما فيكن تتبرعو فيهن، تاني يوم شفت صاحبتي خبرتني شافتن وسألوها اذا بتشتري منن انصدمت وما استوعبت قالتلن بفكر بالموضوع تتأكد مني خبرتها عن الموضوع وسألتني بقديش اسوارة قلتلها ٥٠٠٠ ليرة وصتني قلن بدها ٥ أساور ومن هون انطلقت حملة#BraceletsForELio صارو ما يلحقو باع صرت ساعدن انا اعملن أساور وهني يبيعو ينزلو عالبحر والناس تشجعن وتشتري منن صار شغلتن وعملتن هيدا الموضوع ما كتفو بالبيع بس بالصواري بلشو يروحو عل VILLAGE بالليل بس يبيعو لي معن نطلع عالبيت يسهرو معي تنعمل اساور تيبعو لتاني يوم ما ينامو قبل ساعة ٢، بس كانو كتير مبسوطين وكل يوم عندن هدف يبيعو اكتر من يوم وقلتلن لازم نوصل ١٠٠٠٠٠٠ ليرة، ما اكتفو بس يبرمو صواري و VILLAGE صار بدن يبرمو بمطاعم البترون كل يوم اخدن على مطعم لحد ما صارو يبيعو فوق ٥٠٠٠٠٠ ليرة بالنهار وصلنا ١٠٠٠٠٠٠ صار بدن ٢٠٠٠٠٠٠ وصلت معن يبيعو ٨٠٠٠٠٠ ليرة نهار الاحد وصلو ٢٠٠٠٠٠٠ صار بدن ٣٠٠٠٠٠٠ ليرة "امها لمرغريتا قالتلها خلص انا بكفيلكن ياهن ٣٠٠٠٠٠٠ قالتلها مامي بليز مش شي بالمصاري وبسى في شعور كتير حلو بالشي لي عم نعملو. بس يخلصو نهارن كنت أسالن حدا تغالظ عليكن يخبروني ويضحكو من بين هالاخبار ضحتكن خبرية بنتين شافوهن جاين لعندن وحدة قالت لرفيقتها هودي شحادين قالتها رفيقتها اكيد لأ لابسين SIGNE? اكتر الناس صدقوهن وفي مدام علقت براسن كتير قطع علين اكتر من ١٠٠٠ شخص ما نسيوها كل يوم يخبروني شو قالتلن وجرحت فيهن نعتتن بالشحادين وسراقين المصاري وطبشت الباب بوجن الله يسامحها ويا ريت حكيت معنا وخبرتنا عنن رغم انها بتعرف مين أهلن ... ١٠ أيام كانو حلوين كتير انبسطو ضحكو تسلو تعبو تبهدلو تعرفو على انواع ناس والاهم وصلو للمبلغ لي حطو واكتر وهيدا المبلغ لي جمعو,٣٥٦١٠٠٠ ليرة انا كتير فخورة فيكن يا بنات وبالاخص ماغريتا لي ما لكت ولا يوم رغم إنو شي كتير بتعب تعامل مع ناس ميكايلا تتعب توقف وترجع تكفي. بسى مارغريتا تعبت كتير والفضل الاكبر الها الله يحميكي لأهلك بتكبري القلب ❤️

A post shared by Mikaella Elias (@mikaellaeliasofficial) on

ما قصّة ايليو؟ 

منذ عام 2013، بدأ الطفل ايليو باتريك بطيش رحلته مع السرطان، كان يبلغ حينها السنتين عندما شُخّص بمرض سرطان الدم. وبعد أربع سنوات، انهى ايليو علاجه بالشفاء من المرض. إلا أنّه سرعان ما عاود المرض جسد الطفل الصغير حيث لم يعد يتجاوب مع العلاج المعتمد، وهو يحتاج لدواء لا يعترف به الضمان. رحلة ايليو مع المرض الخبيث تحتاج إلى 100 ألف دولار، تنقسم بين حصوله على علاج كمرحلة أولى بتكلفة 60 ألف دولار لكي يتمكن من بعدها الحصول على زرع نخاع شوكي بتكلفة 40 ألف دولار. 

المبلغ المطلوب لإجراء العملية لم يؤمّن بعد، للمساعدة يرجى التبرع في رقمي الحساب في فروع "فرنسبنك" التالية: 

في الدولار: LB8600010245USD1506051943101

في الليرة:  LB8900010245LBP1506051943101 


"منبتٌ للنساء والرجال" بصوت كارول سماحة: تحية "النهار" للمرأة الرائعة

إظهار التعليقات

يلفت موقع النهار الإلكتروني إلى أنّه ليس مسؤولًا عن التعليقات التي ترده ويأمل من القرّاء الكرام الحفاظ على احترام الأصول واللياقات في التعبير.

Digital solutions by WhiteBeard
Digital solutions by WhiteBeard