اشترِك في نشرتنا الإخبارية
أوّل شتي بأيلول
أوّل ما الغيم يطل
أوّل ما الليل يطول
أول ما الورق يصفرّ
تذكّرْ شو كنت تقول
عن أيّام من العمر
رح تبقى ع طول
تبقى ع طول الدهر
********
أول ما المطر بهلّ
والندي يصبّح على الورق،
أول ما الطير يفلّ
والعشاش من الهوى تنخزق
ومع ناس جداد بتحلّ
تنشغل مَعها وتنعَجق
من تذكارنا لا تملّ
لا تقول: كان عمر ومرق
**********
لمّا بتنتهي المسافة
بتوصل لآخر حدود
بتخلص المراكب والمراسي
بتنتهي دروب الجرود
وصوت الحنين بيبقى قاسي
عم ينده لحتى تعود
تذكّر لا تبقى ناسي
قلبي بعدو فيك موعود.
