جلطة وطلاق... الكوارث تلاحق رجلاً صلّى العيد على دراجته بسبب "السوشيل ميديا"

تسببت مواقع التواصل الاجتماعي في أزمة عنيفة لأسرة مصرية، بعدما تداول ناشطون صورة رجل وهو يصلي عيد الأضحى وهو يركب دراجته، في مدينة المحلة بمحافظة الغربية، حيث سخروا منه وأثارت الصورة جدلاً كبيراً عقب دقائق من نشرها، وانتشرت بشكل كبير وسط تعليقات كثيرة غير مؤيدة لفعل الرجل والسخرية منه.

الغريب في الأمر أن تلك الصورة تسببت في أزمة عنيفة لأسرة الرجل، بعدما كشفت ابنته عما حدث مع والدها من أزمات صحية واجتماعية، نتيجة تضرره من سخرية السوشيل ميديا، من خلال رسائل للمسؤولين عن الصفحات التي تداولت الصورة نصت على "أنا من مدينة المحلة الكبرى والدي كان بيصلي صلاة العيد في مساكن شركة مصر، وكان راكب العجلة بتاعته بيصلي عليها، وفي شاب صوّره، حرفياً إحنا اتفضحنا أنا وإخواتي بسبب الصورة دي، ونزلت على شبكة أخبار المحلة، كلمنا الشاب اللي منزّلها وحذفها، بعدها أحد المعارف لقيناه بيكلمنا بيقولنا دي نازله على المحلة مباشر".

وأضافت "احنا بنات وكلنا متجوزين وإخواتي حصل بينهم وبين أزواجهم مشاكل وغضبوا في بيت أهلي عشان أهالي أزواجهم قعدوا يتّريقوا ويضحكوا، وطبعاً حاجه تمس كرامتنا، حصلت مشاكل وحالياً أخت من إخواتي واقفة على الطلاق بسبب الموضوع ده، وبابا ميقصدش يعمل حاجه زي دي، هو كان خايف العجلة تتسرق، كلمت الشاب اللي ماسك إدارة الصفحة بتاعة المحلة مباشر بس مردش وعملي بلوك". وتابعت "للأسف المحلة صغيرة وإحنا مش عارفين نشيل الصورة دي إزاي، والدي جاتله جلطة نصف جسمه الشمال مش بيتحرك بسبب الصورة من كتر التليفونات اللي جات من المعارف والقرايب والمشاكل اللي حصلت في بيوت إخواتي، واحنا في المستشفى من الساعة 4 بسبب اللي حصل".