بالصور: مدرجات الأرز غصّت بالزوّار... و"مين المستفيد من هيدا الكلام؟"

سمحت أشعة الشمس التي أطلّت منذ الصباح الباكر، لمحبي التزلج بممارسة هوايتهم الشتوية المفضلة على مدرجات الأرز التي غصّت بالروّاد من كل المناطق.

الطرق في المرتفعات الشمالية سالكة، وصولا الى حاجز الجيش بعد المصعد في الارز.

اصحاب المنتجعات والمدرجات في الارز اكدوا ان الطقس صافٍ والحرارة مقبولة وليس كما يشيع البعض.

رئيس بلدية بشري فريدي كيروز انتقد على صفحته عبر مواقع التواصل، نشرات الاحوال الجوية التي تأتي في كثير من الاحيان مغايرة للواقع، مشيراً الى أنّ من وراء ذلك ربما قطع أرزاق اهالي المنطقة ومنع المتزلجين من الوصول الى الارز والمدرجات الاخرى.

وقال: "لما وسائل الاعلام المرئية والمكتوبة والمسموعة بخبروك عن عاصفة وثلج ابتداء من 800 متر وعلى منحدرات التزلج بالأرز بكون الطقس متل هل الصور وبخوفوا العالم حتى ما يطلعوا على الأرز.

شو رأيكم؟ مش بكونوا عم يخربوا بيوت الناس وعم بخوفوا العالم حتى ما تطلع على الأرز أو كفردبيان أو فاريا أو اللقلوق.
مين المستفيد من هيدا الكلام؟
الاحلى من هيك بقولولك طريق الأرز عيناتا مسكرة.
يا إخوان شو هم السواح من هيدي الطريق؟ بس المقصود يقولوا في طريق مسكرة بالأرز وهيك بخوفوا العالم.
يا جماعة الخير وقت يلي بدكم تعرضوا نشرة الطقس اتصلوا بالبلديات المعنية وهني بفيدوكم اكتر.
مع الشكر".