الأحد - 28 شباط 2021
بيروت 14 °

إعلان

صرخة ندى أبو فرحات: طفح الكيل.... "آخ"!

المصدر: "فايسبوك"
صرخة ندى أبو فرحات: طفح الكيل.... "آخ"!
صرخة ندى أبو فرحات: طفح الكيل.... "آخ"!
A+ A-

أطلقت الممثلة #ندى_أبو_فرحات صرخة رفضٍ للحال التي وصل إليها لبنان، وهي المعروفة بتأييدها المطالب الاجتماعية ورفضها المصير الذي حلّ باللبناني بسبب التخاذل والتواطؤ السياسي. 


وتحت عنوان "طفح الكيل"، كتبت أبو فرحات: "بمناسبة طفح الكيل


ماتو أعز أصحابنا بحوادث سير بسبب حالات الطرقات بلبنان وبوقتا، كان في رئيس جمهورية.
مشاريع فرز النفايات و إعادة تدويرا ممنوعة من التنفيذ، من وقت ما كان في رئيس للجمهورية.
مشاريع الطاقة الشمسية لإنتاج الكهرباء مطفايي، من إيام رئيس الجمهورية.
من بيتي ببيروت لشغلي ببيروت بتاخد نص نهار روحة رجعة من وقت ما كان في رئيس جمهورية.
خالتي انسرقت واندبحت بدكانا و المجرم عم يسرح و يمرح عوقت ما كان في رئيس جمهورية.
اللبناني بعدو بيمشي عالإشارة الحمرا و بدوبل صف ثالث بالعجقة من وقت ما كان في رئيس جمهورية.
الخضار عم يختفي و التعصب كاسح البلد من وقت ما كان في رئيس جمهورية.
حاج تتحججو بالفراغ لتخفو فسادكن!
يا ريت منطالب بتعباية الفراغ الموجود بالأدمغة اللي وصلت لبنان لحالتو!
آخ يا بلدي شو إنك بحاجة لدم جديد! لعقل منطقي متطور مسالم و سليم!
آخ يا لبنان شو خرجك الانفتاح والسياحة و شعب بيعرف قيمتك!
شو خرجك شعب بطالب بحقوقو مش بحقوق زعيمو!
شعب بخاف عليك من وحشية العقول المغلقة!
آخ شو بحبك يا لبنان، لبناني إلي، لبناني اللي بحلم في!".


ونال "البوست" انتشاراً واسعاً بين الناشطين الذي شاركوها صرختها إعجاباً وتعليقاً. 

الكلمات الدالة

حمل الآن تطبيق النهار الجديد

للإطلاع على أخر الأخبار والأحداث اليومية في لبنان والعالم