أمير كرارة: لا مشاهد سهلة في "الاختيار"

علّق الفنان أمير كرارة على بدء عرض مسلسله الجديد "الاختيار"، الذي يجسد قصة حياة شهيد القوات المسلحة أحمد منسي، وقال خلال مداخلة هاتفية مع الإعلامية بسمة وهبة، مقدمة برنامج "كل يوم"، عبر شاشة "ON": "منذ 3 سنين شغال على مسلسل "كلبش"، ولقينا إننا لازم نعمل حاجة أقوى، وملقيناش أعظم من تجسيد قصة حياة الشهيد أحمد منسي، عن طريق صحابه وزملائه والضباط وأرملته".

وأضاف أن أبناء الشهيد حضروا كواليس المسلسل، وكانوا فرحين للغاية: "ويارب يليق بيه، ومهما عملنا مش هنعمل ربع اللي عمله منسي".

وأشار إلى أن المسلسل تجربة عنيفة وثقيلة، حيث تعب المشاركون فيه بشكل غير عادي: "تعبنا في المسلسل ده قد تعبنا في عمرنا كله 20 ألف مرة، وكل الناس اشتغلت بحب وقلبها، واتمرنت تمرينات الصاعقة بجد، وربنا يقدرنا ويطلع المسلسل حاجة كويسة، وربنا يكرمنا ويعجب الناس".

وأردف: "مفيش مشهد في المسلسل سهل، وكل المشاهد اللي بنعملها صعبة، وكل الناس تعبت من أصغر لأكبر واحد، وأحمد العوضي عامل دور كويس جداً".