أحمد سعد يرد على سمية الخشاب: لا أعلم موضوع الطحال! (فيديو)

ردّ الفنان أحمد سعد، على اتهامه من قبل طليقته الفنانة سمية الخشاب، بالشروع في قتلها، بعدما اعتدى عليها وتسبب في فقدانها طحالها.

وقال سعد، خلال حواره مع الإعلامية ياسمين سعيد، مقدمة برنامج "الجمعة في مصر"، عبر شاشة "mbc مصر": "مش عارف موضوع الطحال ده جاي منين أو اتعمل إزاي، أنا أكبر من إني أوجه للناس وأقول إني عملت أو معملتش حاجة، وأكبر من إني أقول على حد إنه كاذب، لكن الأيام بتثبت الصادق من الكاذب".

وأضاف أنه يجب على الإنسان ألا يحاول الدفاع عن نفسه إذا كان صادقاً، أو فضح الكاذبين، مشدداً على أن الأيام من ستحدد من الصادق ومن الكاذب: "الحقيقة هتبان في يوم من الأيام".

وحول زواجه في وقت سابق من الفنانتين ريم البارودي وسمية الخشاب، قال سعد: "كل اختيار يناسب المرحلة، كل الناس اللي في العالم، لما بيخرج من أي موضوع بيبص عليه وبيضحك، الإنسان بيتطور، وأكيد هما كمان بيقولوا كده، وفي الآخر مفيش حد مظلوم، كل واحد بياخد على قد ما بيعمل، وفي الآخر بيكون في ربنا وهو العدل وفوق كل الناس، وكله بيتخيل إنه مظلوم، لكن ربنا مبيظلمش حد".