"مين قال المبدع بيموت... عايش فينا ما بتموت"

رغم أنّ الجميع علم يتدهور صحة الموسيقار #ملحم_بركات، إلا أنّ خبر رحيله حلّ كالصاعقة.

على وسائل التواصل الاجتماعي، وتحديداً "تويتر"، عبّر فنانون ومحبّون لبركات عن حزن عميق آلم قلوبهم لرحيل الموسيقار الكبير.

وما هي إلا دقائق حتى تصدّر اسم ملحم بركات قائمة الهاشتاغات الأكثر نشاطاً.

في الآتي، أبرز التغريدات. استرح بسلام يا أبا مجد. الجميع يحبّك.

- راغب علامة: رحم الله الموسيقار عندما زرته منذ كم يوم شعرت بأنه والعلم عندالله أيامه معدودة. تذكرت والدي رحمه الله في أيامه الأخيرة. طلبت منكم الدعاء له. انّا لله وإنّا اليه راجعون. البقاء لله. رحل ملحم وترك ورائه اغاني للأجيال وذكرى لشخصيته التي تركت اثراً لن ننساه الى جنة الخلد ابو مجد.

- اليسا: أبو مجد كان اسطورة حقيقية خسرها وطننا اليوم.

- نزار فرنسيس: ومين قال المبدع بيموت... عايش فينا ما بتموت

- يارا: الله يرحمك يا موسيقارنا... فلّيت بكّير يا كبير...

- سيرين عبدالنور: ملحم بركات.... موسيقار لبنان وداعاً الله معك الله يرحمه ويصبر اهله
- عاصي الحلاني: وداعً ابو مجد رحلت لكن رح بتضل معنا بروحك الحلوه وقلبك الكبير وابداعك رحلت وتركت بالقلب غصة وحزن كبيرة يا كبير من لبنان رح نشتقلك يا صديقي

- محمد اسكندر: موتَك بيحكي مش سكوت ومش دمار ياثورة الفن بجوابَك والقرار قبل المدارس علًمونا اهلنا الزغار لازم يسكتوا ان حكيوا الكبار

- ناصيف زيتون: شو كنت فرحان هداك اليوم.. مو حامليتني الأرض أني بس شفتك ... الله معك يا معلم يا كبير .. رحلت جسد بس فنك خالد و باقي .. وداعا

- دارين حدشيتي: ضيعانك يا كبير..عم بيروحوا الكبار.. لمين تركين هالفن ؟الله يرحم الموسيقار الكبير ملحم بركات وتكون روحك بالسما واعمالك رح تبقى خالده للابد

- نادين الراسي: راكضين ورا كِرسي تَتِحِكموا و بالمواطِن تتحكّموا... رَحَل ملحم بركات لأنّه أكبر من حجم الوطن اللي رح تحكموا.. إلى اللقاء

- باميلا الكيك: -أين ذهب؟ -مات -ماذا يعني "مات"؟ -اختاره الله أن يكون في جواره في الجنّة"

- سمير صفير: رحم الله المطرب والملحن ملحم بركات وجعل روحه في السماء، وأتقدم بالتعازي من عائلته والشعب اللبناني

- نانسي عجرم: ما عم بقدر صدق لبنان بدون الموسيقار ملحم بركات. الله يرحمك وتكون نفسك بالسما

- ناجي قسطا: الكبار ما بيرحلوا... صوتك رح يضل عايش بكل شخص فينا! الله يرحمك".

ذلك إضافة إلى مئات التغريدات الأخرى التي أجمعت على حبّ الموسيقار والحزن على رحيله.