ما تقول الفول الا ما يصير بالمكيول... "وانّا لله وانا اليه راجعون"

لم تهدأ مواقع التواصل الاجتماعي منذ تأكدت نية الرئيس سعد الحريري ترشيح النائب ميشال عون رئيساً للجمهورية. واشتعلت حرب كلمات وصور شعواء على محاور عدة، لعل أبرزها تلك المواقف الحادة التي تظهر امتعاض بعض الشارع السني من خيار الحريري "الصادم" بالنسبة اليه، والمواقف "الحركية" التي هاجمت الرابية معتبرة "عين التينة" ممراً الزامياً للوصول الى قصر بعبدا.

وبين إشاعات بالجملة، أبرزها "معلومات عن نية لقطع طرقات في طريق الجديدة فوق إعلان الحريري الترشيح"، وبين جهوزية أنصار "الأستاذ" للانخراط في صفوف المعارضة تحت شعار "معارضة لعيونك"، حبسَ اللبنانيون الأنفاس في دورة جديدة من تاريخهم السياسي، لعل أغلبهم يشعر باليأس حيال امكانية التعويل على تغيير جوهري تحمله.

وفي الآتي، بعض ما طالعناه على مواقع التواصل:

-لا تقول فول ليصير بالمكيول. 

-زيارة مرتقبة للعماد ميشال عون الى عين التينة مساء اليوم.

-الله يكون بـ #عون هالجمهورية
-المشكلة ليست مع #عون او به، المشكلة بمُرشِحِهِ #الحريري الذي يسير بخطى ثابتة نحو مصير أسوأ من مصير #اوجيه.

 -عون للجمهورية غيرك ما بيرجع حقوق المسيحية. 

-#سعد_الحريري يعايد #فرنجية بتبني ترشيح #عون لرئاسة الجمهورية..... #عقبال_المية #خيرها_بغيرها

-لأن حسابات رجل الدولة تسمو فوق الاعتبارات الشخصية، #دولة_الرئيس #سعد_الحريري يمثلني

-الصحافي حسن صبرا: قرر سعد الحريري ان ينتحر.

-الصحافي رامي الامين: والذين اذا اجا ميشال عون رئيسهم قالوا: إنا لله وإنا اليه راجع عون!

-الصحافية كارول معلوف: الساعة ٥ ب.ظ سيعلن سعد الحريري ترشيح ميشال عون لرئاسة الجمهورية  وانباء عن تسكير طرقات في بيروت وتحديداً طريق الجديدة.

-بليز يا جماعة ما حدا يقوّص بس ينتخبوا عون رئيس ما بدنا يهرب ونرجع للفراغ من أول وجديد.

-البعض لا يعرف عن الوفاء سوى انه فرن، ويظن ان الاخلاص سلسلة محلات حلو #لن_نصوت_لعون.

-عون لا يمثلني وحتى لو جعجع وحريري ما بقا يشتغلوا سياسي بحياتهم #عون_لا_يمثلني.

 -طيب ليش انتظرنا سنتين ... ليش عطلنا البلد ودمرنا الاقتصاد اذا بالنهاية قبلت بترشيح #عون

-كرمال مصلحة لبنان لازم ننتخب #جعجع رئيس جمهورية !!
كرمال مصلحة لبنان لازم ننتخب #فرنجية رئيس جمهورية !!
كرمال مصلحة لبنان لازم ننتخب #عون رئيس جمهورية !!
#لك كرمال مصلحة لبنان حلّ عن سماااا الجمهورية !!

-#السيد_حسن بدو ياك ، يعني بتمثلني #عون

-يا سيدنا انت علدم بتمون وإستاذنا نبيه بيسوى ملايين ...معا نكون او لا نكون.

#الحريري سيدعم ترشيح #عون عصرا ، و #الجنرال سيزور #بري ليلا . اذا مفكر رح يضلوا متخانقين بتكون أهبل ! ما تخسر صديقك و خيّك كرمالن صدقني زعلهم ما بطول! رح يتقاسموا قالب الكاتو و نحن ح نآكل هوا ! #جمهورية_الموز

-اد ما تكون مكانة #عون غالية عند حزب لله.
بس مش أغلى ولا أعلى من #الرئيس_بري.

-واهمٌ واهم من يعتقد أنّ #حزب_الله يبيع #الرّئيس_نبيه_برّي لأجل #عون.
(بحبّك يا اسوارتي بس مش قد زندي)
#عون_لا_يمثلني

-#عون
ضلك احكي وسليني
احلامك ما بتعنيني
بدك مفتاح بعبدا
شرِّف عا عين التيني

#نبيه_بري_للجمهورية

 -فخامة الجنرال لغيرك بعبدا ما بتلقيك ونحنا بالدم منفديك.